خبرونه

د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن «کظیم»  سمنګان، سرپل، فاریاب، جوزجان ولایت له سفر وروسته د ورسره پلاوي هر یو د شرکت د عملیاتي رئیس نصیراحمد «احمدي» او د شمال زون رئیس مولوي عبدالربی «کامران» په ملتیا بلخ ولایت ته ولاړ او هلته یې د شمال زون د اوبو رسولو ریاست څخه لیدنه وکړه.

په لومړي سرکې د شرکت لوی رئیس د بلخ ولایت د اوبو رسولو د اوبیزو سرچینو، شبکو، او تأسیساتو لیدنه وکړه او ورپسي یې د کارمندانو وړاندیزونه، ستونزي، او نظریات واوریدل او ټولو چارو ته یې د حل او رسیدو ژمنه وکړه، وروسته له هغې د شرکت لوی رئیس د مل پلاوي سره د بلخ والي ښاغلي الحاج محمد یوسف وفا سره ولیدل او په دغه ولایت کې د اوبو رسولو په چوپړتیاوو، اوبیزو سرچینو، د شبکو پراختیا او ښاریانو ته د ښه خدماتو د وړاندې کولو په موخه خبرې وکړي.

د دغې لیدنې په دوام د شرکت لوی رئیس د بلخ/ شمال زون د اوبو رسولو ریاست له مقر څخه لیدنه وکړه او په سمنګان، سرپل، فاریاب، جوزجان او بلخ ولایتونو کې د ستونزو د حل په موخه د شمال زون رئیس ښاغلي مولوي عبدالربي «کامران» ته لازمې لارښوونې وکړي.