خبرونه

د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم وویل د ناستو ترسره کولو موخه تنها د میز تر شا راټولیدل نه دي او زیاته یې کړه: مونږ خپلې ادارې او ملت ته مسؤل او ځواب ویونکي یو؛ نو بنا زمونږ هره پریکړه باید د ستونزو حل، د خنډونو لمنځه وړونکې او د چارو د پرمختګ لپاره یو نوښت وي.

د ښاري اوبو رسولو او فاضلابو امارتي شرکت لوی ریاست مقام کې د اجرایوي کمیټې ناسته ترسره شوه، یاده ناسته د ښاري اوبو رسولو او فاضلابو امارتي شرکت لوی ریاست د کمیټې محترمو غړو، مرکزي رئیسانو او امرینو په ګډون ترسره شوه، د دفتر لوی آمر د تیرې ناستې د پریکړو څخه د یادونې ترڅنګ د مرکزي ریاستونو او امریتونو په وخت د راپورونو پر وړاندې کولو تأکید وکړ.

په دوام کې د کمیټې محترمو غړو، مرکزي رئیسانو او آمرینو په اجنډا کې د شاملې موضوعګانو( ستراتژیک پلان، د پیرودونکو طلبات، د تدارکاتي پروسې د ستونزو حل او نورو ادارې متفرقه موضوع ګانو) په اړه د اجرایوي کمیتې له لورې بحث د نظرونو تبادله او هراړخیزې پریکړې ونیول شوې په پای کې د شرکت رهبرۍ مقام له لورې اړینې لارښونې وشوې.