د ښاري اوبو رسولو او
فاضلابو امارتي شرکت لوي رئیس ښاغلي مولوي غلام الرحمن «کظیم» د شرکت د عملیاتي رئیس
او تخنیکي ریاست سرپرست ښاغلي نصیراحمد «احمدي» په ملتیا د سفر په لړ کې د جنوب
زون د کندهار د اوبو رسولو ریاست څخه لیدنه وکړه.
په دغه لیدنه کې د کندهار
زون د اوبو رسولو رئیس ښاغلي ملاپاچا «یوسف» د هرکلي ویلو تر څنګ په لنډ ډول د دغه
ریاست د لاسته راوړنو، کړنو، او ستونزو په اړه د شرکت لوی رئیس ته خپل راپور وړاندې
کړ چې د شرکت د رهبری مقام له لوري ورته ژمنه ورکړل شوه چې ټولو وړاندیزونو او
ستونزو ته به یې رسیدګي کوي.
په دوام یې د شرکت لوی رئیس
ښاغلي مولوي غلام الرحمن «کظیم» د اوبو رسولو شبکو، ودانیو، شعباتو، د اوبو د تولیدي
او توزیعي مرکزونو، او د کندهار د لویې ویالې د پروژې څخه لیدنه وکړه او د کارونو
د لا ښه والې په اړه لازمې لارښوونې وکړې.