خبرونه

د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم د عملیاتي چارو رئیس ښاغلي انجنیر نصیر احمد احمدي په ملتیا د کندهار زون ریاست، زرنج ښار ریاست، فراه او شینډنډ ښار اوبو رسولو آمریتونو له لیدلو وروسته د هرات زون اوبو رسولو ریاست څخه لیدنه ترسره کړه.

 لوی رئیس په یاد ریاست کې د یوې ناستې په دایرولو د هرات زون رئیس، آمرینو او کارکوونکو سره د هرات ښاریانو ته د ښو خدماتو وړاندې کولو په څرنګوالی بحث او د نظرونو تبادله وکړه.

د ناستې په پيل کې د هرات زون رئیس الحاج عبدالواحد شفیق لوی رئیس ته د ښه راغلاست ترڅنګ د یاد ریاست د کړنو او لاسته راوړنو په هکله وویل او د لا ښه وضاحت په موخه یې د پرزنټیشن په وړاندې کولو سره د یاد ریاست لنډه پیژندنه، تر پوښښ لاندې سیمې، عواید او لګښتونه او د ۱۴۰۳ کال تر لړم میاشتې پورې د هرات زون د مالي وضعیت په اړه معلومات وړاندې کړل.

د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم د یادو موضوعګانو له اوریدلو وروسته د یاد ریاست له کارکوونکو څخه وغوښتل چې په پوره اخلاص او دیانت سره خپلې دندې سرته ورسوي او د چارو پر وړاندې د خنډنو لمنځه وړلو ډاډ یې ورکړ.

د ناستې په پای کې د شرکت لوی رئیس د هرات زون ریاست ټول کاري څانګې ولیدلې او د کارکوونکي نظریات یې له نیږدې څخه واوریدل.

همدارنګه لوی رئیس په یاد سفر کې د هرات ولایت والي شیخ نوراحمد اسلام جار سره ولیدل او په یاد ولایت کې د اوبو رسولو پروژو او د ولایت مقام د همکارۍ په اړه یې خبرې وکړې.